நாரதர் பக்தி சூத்திரம்

நாரதர் பக்தி சூத்திரம்

ஸ்ரீ ஸ்வாமி சிவானந்தா அவர்கள் அருளிய புத்தகத்திலிருந்து எடுக்கப்பட்டவை.  விரிவான விளக்கத்திற்கு புத்தகத்தை படிக்கவும்:

AjÉÉiÉÉå pÉÌ£Çü urÉÉZrÉÉxrÉÉqÉÈ     || 1 ||

இப்போது பக்தியை பற்றி விளக்கப்படுகின்றது.

xÉÉ iuÉÎxqÉlÉç mÉUqÉmÉëåqÉÃmÉÉ       || 2 ||

உண்மையில் பக்தி என்பது மிக மேலான இறையன்பின் இயல்பே.

AqÉ×iÉxuÉÃmÉÉ cÉ               || 3 ||

மேலும் அது அமிர்தத்தின் இயல்பையும் உடையது

rÉssÉokuÉÉ mÉÑqÉÉlÉç ÍxÉ®Éå pÉuÉÌiÉ AqÉ×iÉÉå pÉuÉÌiÉ iÉ×miÉÉå pÉuÉÌiÉ || 4 ||

அதை (இந்த மேலான பக்தியை) அடைந்த தும், மனிதன் பூரணம் அடைகிறான்,  அமரத்துவம் பெறுகிறான், பரம் திருப்தியடைகின்றான்.

rÉimÉëÉmrÉ lÉ ÌMüÎgcɲÉgNûÌiÉ lÉ zÉÉåcÉÌiÉ lÉ ²å̹ lÉ UqÉiÉå lÉÉååixÉÉWûÏ pÉuÉÌiÉ || 5 ||

அதை (பக்தியை) அடைவதால், வேறு எதையும் அவன் விரும்புவதில்லை, வருந்துவதில்லை ( உற்றார் மரணம், இழப்புக்களை நினைத்து ) எதையும் வெறுப்பதில்லை, புலன் இன்பத்தில் களிப்பதில்லை.  (உலகப் பொருட்கள் எதையும் அடைய ) ஆர்வம் கொள்வதுமில்லை.

rÉe¥ÉÉiuÉÉ qɨÉÉå pÉuÉÌiÉ xiÉokÉÉå pÉuÉirÉÉiqÉÉUqÉÉå pÉuÉÌiÉ || 6 ||

இறைவனை அறிவதால் மனிதன் பித்தனாகின்றான்.  அமைதி எய்தி, ஆத்மானந்தக் களிப்பில் முற்றிலுமாகத் திளைக்கின்றான்.

xÉÉ lÉ MüÉqÉrÉqÉÉlÉÉ ÌlÉUÉåkÉÃmÉiuÉÉiÉç || 7 ||

பக்திக்கு ஆசைப்படும் குணமில்லை, ஏனெனில் அது துறவின் இயல்பையுடையது.

ÌlÉUÉåkÉxiÉÑ sÉÉåMüuÉåSurÉÉmÉUlrÉÉxÉÈ  || 8 ||

அதற்கு மாறாக ஆசைகளை அடக்குவதென்பது உலக விவகாரங்களையும், விதிக்கப்பட்ட செயல்களையும் ஆண்டவனிடமே விட்டுவிடுவதாகும்.

iÉÎxqɳÉlrÉiÉÉ iÉ̲UÉåÍkÉwÉÔSÉxÉÏlÉiÉÉ || 9 ||

நிரோதம் என்பது இறைவனிடத்து ஏகாக்ர பக்தியும், இறைவனுக்கு எதிரானவற்றில்

எல்லாம் உதாசீனமும் என்பதாகும்.

AlrÉÉ´ÉrÉÉhÉÉÇ irÉÉaÉÉåÅlÉlrÉiÉÉ      || 10 ||

ஐக்கியம் அல்லது ( கலப்பற்ற ) விசேஷ பக்தி என்பது எல்லாப் பிற ஆதாரங்களையும் விட்டு விடுவதாகும்.

sÉÉåMüuÉåSåwÉÑ iÉSlÉÑMÔüsÉÉcÉUhÉÇ iÉ̲UÉåÍkÉwÉÔSÉxÉÏlÉiÉÉ      || 11 ||

உலக விவகாரங்களையும், வேத த்தில் விதித்துள்ள சம்ஸ்காரங்களையும் செய்வது, அவற்றுக்கு எதிரானவற்றைச் செய்யாமலிருப்பது.

pÉuÉiÉÑ ÌlɶÉrÉSÉRûrÉÉïSÕkuÉïÇ zÉÉxÉëU¤ÉhÉqÉç               || 12 ||

ஆன்மீக நிலையில் நன்கு ஸ்திரப்பட்ட பிறகும் சாஸ்திர உண்மைகளை ஒருவன் காப்பாற்ற வேண்டும்.

AlrÉjÉÉ mÉÉÌiÉirÉÉzÉÇMürÉÉ                           || 13 ||

அப்படி ( காப்பாற்ற ) இல்லையெனில், வீழ்ச்சியுறும் ஆபத்துண்டு.

sÉÉåMüÉåÅÌmÉ iÉÉuÉSåuÉ ÌMüliÉÑ pÉÉåeÉlÉÉÌSurÉÉmÉÉUx¨uÉÉzÉÉUÏUkÉÉUhÉÉuÉÍkÉ || 14 ||

சமூக பழக்க வழக்கங்களும் அவ்விதமே ( சாஸ்திர விதிகளில் சொல்லப்பட்டன் என்ற அளவுக்கு ) கடைப்பிடிக்க வேண்டும். ஆனால் உண்பதும், பருகுவதும் உடுப்பதும் இந்த உடல் இருக்கும் வரை தொடர வேண்டியது.

iÉssɤÉhÉÉÌlÉ uÉÉcrÉliÉå lÉÉlÉÉqÉiÉpÉåSÉiÉç                || 15 ||

பல்வேறு கோணங்களிலிருந்து பார்ப்பதால், பல்வேறு லக்‌ஷணங்களை பெற்றுள்ளது பக்தி.

mÉÔeÉÉÌSwuÉlÉÑUÉaÉ CÌiÉ mÉÉUÉzÉrÉïÈ                      || 16 ||

பராசர மகரிஷியின் புதல்வரான வியாசர் இறைவனுக்கு பூஜை முதலான செய்வதில் ஆர்வமும், பற்றுமே பக்தி என்று கருதுகிறார்.

MüjÉÉÌSÎwuÉÌiÉ aÉaÉïÈ                                || 17 ||

இறைவனது மகிமை, பெருமை, லீலைகள் பற்றிப் பேசுவதே பக்தி என்பது கர்க முனிவரது கருத்து.

AÉiqÉUirÉÌuÉUÉåkÉålÉåÅÌiÉ zÉÉÍhÉSsrÉ                    || 18 ||

ஆன்மாவில் இன்புறுவதற்குத் தடையாக இல்லாமை என்று சாண்டில்யர் கருதுகிறார்.

lÉÉUSxiÉÑ iÉSÌmÉïiÉÉÎZÉsÉÉcÉÉUiÉÉ U̲xqÉUhÉå mÉUqÉurÉÉMÑüsÉiÉåÌiÉ || 19 ||

ஆனால் நாரதரின் கருத்துப்படி பக்தியின் இன்றிய்மையாத இயல்பு இறைவனிடம் பரிபூரண சரணாகதி அடைந்து, தன் நியம நிஷ்டைகள் உட்பட அனைத்துச் செயல்களையும் இறைவனுக்கே அர்ப்பணிப்பதும், இறைவனை மறக்க நேர்ந்தால் தீவிர வேதனைப்படுவதுமே ஆகும்.

AxirÉåuÉqÉåuÉqÉç                                    || 20 ||

இதற்கு பல சான்றுகள் உள்ளன.

rÉjÉÉ uÉëeÉaÉÉåÌmÉMüÉlÉÉqÉç                             || 21 ||

உதாரணமாக வ்ரஜ அல்லது பிருந்தாவனத்து கோபியர்கள் போல பக்தி செலுத்த வேண்டும்.

iɧÉÉÌmÉ lÉ qÉÉWûÉiqrÉ¥ÉÉlÉÌuÉxqÉ×irÉmÉuÉÉSÈ               || 22 ||

அங்கும் கூட (கோபியரது அன்பிலும்) இறைவனது பெருமையும், மகிமையும் பற்றிய மறதி இல்லை.

S̲WûÏlÉÇ eÉÉUÉlÉÉÍqÉuÉ                              || 23 ||

அது ( இறைவனது மகிமை பற்றிய உணர்வு ) இல்லாத அன்பு, ஒரு பெண் ஒரு ஆணிடத்தில் கொள்ளும் காமமே ஆகும்.

இறைவனது பெருமை பற்றிய உணர்வு உள்ளத்தில் இல்லையென்றால், அந்த அன்பு வெறும் ஆண்-பெண் இடையே தோன்றும் காமம்தான்.

கோபியரின் அன்பு சுத்தப் பிரேமை, மாசற்ற அன்பு, ஏனெனில் அவர்களுக்கு கிருஷ்ணரின் தெய்வநிலை நன்கு தெரிந்தே, அதில் மூழ்கியிருந்தார்கள்.  அவர்கள் தம்மை மறந்த தெய்வக் களிப்பில் இருந்தனர்.  அவர்களது புலன்களும், மனங்களும் செயலற்றுப் போயின.  வெளியுலகைப் பற்றிய பிரக்ஞையே அவர்களுக்கு இல்லை. இதுவே தூய அன்பு.

lÉÉxirÉåuÉ iÉÎxqÉxiÉixÉÑZÉxÉÑÎZÉiuÉqÉç                   || 24 ||

இந்தக் காமவயமான அன்பில், அடுத்தவரது இன்பம் முக்கியமாகக் கருதப்படுவதில்லை.

xÉÉ iÉÑ MüqÉï¥ÉÉlÉrÉÉåaÉÉåprÉÉåÅmrÉÍkÉMüiÉUÉ                || 25 ||

அது பராபக்தி செயல், ஞானம், யோகம் இவற்றினின்று மேம்பட்டது

TüsÉÃmÉiuÉÉiÉç                                     || 26 ||

இவை அத்தனையின் பயனுடைய இயல்பு அல்லது உருவத்தை உடையதால்.

DµÉuxrÉÉmrÉÍpÉqÉÉlɲåÌwÉiuÉÉSè SælrÉÌmÉërÉiuÉÉŠ           || 27 ||

பக்தியானது மற்றதை காட்டிலும் சிறந்த து.  ஏனெனில், இறைவன் அகந்தையை வெறுக்கின்றான், அடக்கத்தை நேசிக்கின்றான்.

iÉxrÉ ¥ÉÉlÉqÉåuÉ xÉkÉlÉÍqÉirÉåMåü                       || 28 ||

சிலர் கருத்துப்படி (அன்புக்குரிய பொருளைப் பற்றிய ) அறிவே, அறிவு மட்டுமே பக்தியை அடையும் சாதனம்.

AlrÉÉålrÉÉ´ÉrÉiuÉÍqÉirÉlrÉå                            || 29 ||

ஞானமும் பக்தியும் ஒன்றையொன்று சார்ந்திருப்பவை என்பது மற்றொரு சாரார் கருத்து.

xuÉrÉÇ TüsÉÃmÉiÉåÌiÉ oÉë¼MÑüqÉÉUÈ                      || 30 ||

பக்தி அதனுடைய பலனுமாக இருக்கிறது.  என்று கருதுகிறார் பிரம்மகுமாரனான நாரதர்.

UÉeÉaÉ×WûpÉÉåeÉlÉÉÌSwÉÑ iÉjÉæuÉ SعiuÉÉiÉç

ஏனெனில் அரசன், வீடு, உணவு என்பனவற்றிலும் அப்படித்தான் காணப்படுகின்றது

lÉ iÉålÉ UÉeÉmÉËUiÉÉåwÉ ¤ÉÑkÉÉzÉÉÎliÉuÉÉï

ராஜகுமாரன் அரசனானதும், பசித்தவன் திருப்தியுற்றதும் வெறும் விஷய ஞானத்தினால் மட்டுமல்ல.

iÉxqÉÉixÉæuÉ aÉëÉ½É qÉÑqÉѤÉÑÍpÉ:

எனவே, மோட்சம் அல்லது விடுதலையை விரும்புவோர், அதையே, மேலான பக்தி மார்க்கத்தையே கடைப்பிடிக்க வேண்டும்.  ஞானம் முடியுமிடத்தில்தான் பக்தியும் முடிகின்றது.

iÉxrÉÉ xÉÉkÉlÉÉÌlÉ aÉÉrÉÎliÉ AÉcÉÉrÉÉï

பக்திக்கான சாதனங்களை ஆச்சாரியர்கள் பாடியிருப்பதை இனிவரும் சில சூத்திரங்கள் விளக்குகின்றது.

iɨÉÑ ÌuÉwÉrÉirÉÉaÉÉiÉç xÉÇaÉirÉÉaÉÉŠ

எல்லா சிற்றின்பங்களையும் ( இந்திரிய சுகங்களையும் ) இந்திரிய விஷயங்களில் பற்றுதலையும் விட்டு விடுவதால் பராபக்தி கிடைக்கிறது.

AurÉÉuÉ×iÉ pÉeÉlÉÉiÉç

இடைவிடாத வழிபாட்டால், பூசனையால் பக்திப் பயிற்சியில் வெற்றி கிடைக்கும்.

sÉÉåMåüÅÌmÉ pÉaÉuÉiÉç aÉÑhÉ´ÉuÉhÉMüÐiÉïlÉÉiÉç

உலகில் சாதாரண விவகாரங்களில், செயல்களில் ஈடுபட்டிருக்கும் போது கூட, பகவானுடைய கல்யாண குணங்களைப் பற்றிய பேச்சுக்களை சிரவணம் செய்வதாலும் ( கேட்பதாலும் ) கீர்த்தனை செய்வதாலும் பக்தி வளரும்.

qÉÑZrÉiÉxiÉÑ qÉWûiM×ümÉrÉæuÉ pÉaÉuÉiM×ümÉÉsÉåzÉɲÉ

ஆனால் பக்தியென்பது முக்கியமாகச் சான்றோர்களின், மகான்களின் கிருபையாலும், ஓரளவு இறையருளாலும்தான் கிடைக்கும்.

qÉWûixÉ…¡ûxiÉÑ SÒsÉïpÉÉåÅaÉqrÉÉåÅqÉÉåbɶÉ

ஆனால், மகாத்மாக்களுடைய உறவு கிடைப்பது கடினம், அணுக இயலாதது, அதன் சக்தி அல்லது விளைவோ தோல்வியற்ற நிச்சயமானது

sÉprÉiÉåÅÌmÉiÉiM×ümÉrÉæuÉ                              || 40 ||

மகான்களுடைய சத்சங்கம் அல்லது உறவு இறைவனது அருளால்தான் கிட்டும்.

iÉÎxqÉlxiÉ‹lÉå pÉåSÉpÉÉuÉiÉç

ஏனெனில் இறைவனுக்கும், அவனது பக்தனுக்குமிடையே வேற்றுமை கிடையாது.

iÉSåuÉ xÉÉkrÉiÉÉÇ iÉSåuÉ xÉÉkrÉiÉÉqÉç

அது மட்டுமே அடையப்படட்டும், அது மட்டுமே அடையபடட்டும்.

SÒxxÉÇaÉÈ xÉuÉïjÉæuÉ irÉÉerÉÈ

எங்கும், எப்போதும் எல்லா முயற்சிகளையும் மேற்கொண்டு தீயோர் நட்பை விலக்கப்பட வேண்டும்.

MüÉqÉ¢üÉåkÉqÉÉåWûxqÉ×ÌiÉpÉëÇzÉoÉÑήlÉÉzÉxÉuÉïlÉÉzÉMüÉUhÉiuÉÉiÉç

ஏனெனில் காமம், கோபம், மோகம், நினைவு தவறுதல், நல்லறிவை இழத்தல் போன்றவை அனைத்து இழப்புக்கும் காரணமாகும்.

iÉU…¡ûÉÌrÉiÉÉ AmÉÏqÉå xÉÇaÉÉixÉqÉÑSìÉrÉÎliÉ                 || 45 ||

இவைகள் ஆரம்பத்தில் சிற்றலைகளைப் போல எழுந்தாலும், தீயவர் நட்பால் பெருங்கடலாக மாறிவிடுகின்றது

MüxiÉUÌiÉ MüxiÉUÌiÉ qÉÉrÉÉqÉç? rÉÈ xÉ…¡Çû irÉeÉÌiÉ rÉÉå qÉWûÉlÉÑpÉÉuÉÇ xÉåuÉiÉå

ÌlÉqÉïqÉÉå pÉuÉÌiÉ || 46 ||

மாயையைக் கடப்பது யார்? மாயையைக் கடப்பது யார்? இந்திரிய விஷயங்களில் உள்ள தொடர்பைத் துறப்பவன், ஒரு மகானுக்குத் தொண்டாற்றுபவன், இது எனதென்ற எண்ணமில்லாதவன் எவனோ அவனே மாயையை கடக்கின்றான்.

உண்மையை மறைத்து, தோன்றி மறையும் கணநேரப் புலன் இன்பங்களில் உன்னை திருப்பிவிடுவது இறைவனின் மாயை.  மாயை மிக நுட்பமானது, அதைக் கண்டறிவது மிகக்கடினம். எனவே சாதகன் மிக எச்சரிக்கையாக இருக்க வேண்டும்.  மகாத்மாவின் உறவால், ஒருவன் பற்றின்மையை எய்துகிறான்.  அவனுக்கு வைராக்கியம் பிறக்கிறது.  பற்றின்மையால் மோகத்தை வெல்லுகிறான்.  மோகத்தை வென்ற நிலையில் மனம் அமைதியுற்று ஒருமுனைப்பட்டு, தன் ஸ்வரூபத்தில் நிலைக்கிறது. அதன் பிறகு ஒருவன் முக்தி அல்லது விடுதலை பெறுகிறான்.

rÉÉå ÌuÉÌuÉ£üxjÉÉlÉÇ xÉåuÉiÉå, rÉÉå sÉÉåaÉoÉlkÉqÉÑlqÉÔsÉrÉÌiÉ ÌlÉx§ÉæaÉÑhrÉÉå pÉuÉÌiÉ,

rÉÉåaɤÉåqÉÇ irÉeÉÌiÉ ||

எவன் ஏகாந்தமான இடத்தைத் தேர்ந்தெடுத்து அங்கு இருக்கின்றானோ; எவன் உலக பாசங்களை வேரோடு களைகின்றானோ, எவன் முக்குணங்களையும் தாண்டிச் செல்லுகின்றானோ, எவன் சேர்ப்பதையும், காப்பதையும் விட்டு விடுகின்றானோ அவனே மாயையை கடக்கின்றான்.

rÉÈ MüqÉïTüsÉÇ irÉeÉÌiÉ MüqÉÉïÍhÉ xÉÇlrÉxrÉÌiÉ ¨ÉÉå Ìlɲïl²Éå pÉuÉÌiÉ ||

கர்ம பலனைத் துறப்பவன், கர்மங்களையே துறப்பவன் எவனோ, அவன் இருமைகளைக் கடந்து செல்கிறான்.

rÉÉå uÉåSÉlÉÌmÉ xÉÇlrÉxrÉÌiÉ MåüuÉsÉqÉÌuÉÎcNû³ÉÉlÉÑUÉaÉÇ sÉpÉiÉå ||

எவன் வேதங்களையும், வேதங்களில் விதிக்கப்பட்ட சடங்குகளையும் கூட விட்டு விட்டு, இறைவன் பால் தூய, கலப்பற்ற, இடையறாத அன்பை எய்துகிறானோ

xÉ iÉUÌiÉ xÉ iÉUÌiÉ xÉ sÉÉãMüÉÇxiÉÉUrÉÌiÉ || 50  ||

அவனே மாயையைக் கடக்கின்றன், பிறவிப்பெருங்கடலையும், பிற தளைகளையும்) அவனே கடக்கிறான். மனித சமூகத்திர்கும் கடக்க உதவுகிறான்.

AÌlÉuÉïcÉlÉÏrÉÇ mÉëqÉxuÉÃmÉqÉç ||

இறைவன் பால் கொள்ளும் பிரேமை அல்லது அன்பின் இயல்பு சொற் கடந்தது..

அநிர்வசனீயம் – சொற்களை கடந்த்து, வார்த்தைகளால் துல்லியமாக வர்ணிக்க முடியாதது.

qÉÔMüÉxuÉÉSlÉuÉiÉç ||

ஊமை சுவைத்த அனுபவம் போல.

mÉëMüÉzÉiÉå YuÉÉÌmÉ mÉɧÉå ||

பக்தி எங்கோ ஓரிடத்தில், எப்போதாவது ஒரு தகுந்த பாத்திரத்தில் ஒளிவீசுகிறது.

aÉÑhÉUÌWûiÉÇ MüÉqÉlÉÉUÌWûiÉÇ mÉëÌiɤÉhÉuÉkÉïqÉÉlÉqÉÌuÉÎcNû³ÉqÉç xÉÔ¤qÉiÉUqÉlÉÑpÉuÉÃmÉqÉç ||

பக்தி குணங்களற்றது, விருப்பங்களற்றது, கணத்திற்குக் கணம் விரிவடைவது, இடையறாது தொடர்வது, மிக நுட்பமானது,உன் அநுபவ இயல்பானது.

குணரஹிதம் – குணங்களற்றது,

காமனாரஹிதம் – விருப்பங்களற்றது

ப்ரதிக்‌ஷண – ஒவ்வொரு கணமும்,

வர்திமானம் – வளருவது,

அவிச்சின்னம் – இடையறாத ஒழுக்கு,

ஸூக்‌ஷமாதரம் – மிக மிக நுட்பமானது,

அநுபவரூபம் – உள்ளுணர்வு இயல்புடையது.

iÉimÉëÉmrÉ iÉSåuÉÉuÉsÉÉåMüuÉÌiÉ iÉSåuÉ ´ÉñhÉÉåÌiÉ iÉSåuÉ pÉÉwÉrÉÌiÉ iÉSåuÉ ÍcÉliÉrÉÌiÉ || 55 ||

அதை ( அந்த அன்பின் அனுபவத்தை ) பெற்றபின் பக்தன் தன் அன்புக்குரிய இறைவனை மட்டுமே காண்கிறான், அவனைப் பற்றி மட்டுமே கேட்கிறான், அவனைப் பற்றி மட்டுமே பேசுகிறான், அவனைப் பற்றி மட்டுமே சிந்திக்கிறான்.

aÉÉæhÉÏ Ì§ÉkÉÉ aÉÑhÉpÉåSÉSÉiÉïÌS pÉåSÉ²É ||

இரண்டாம் நிலை பக்தி சத்வம், ரஜஸ், தமஸ் என்ற குணங்களுக்கேற்ப மூவகைப்படும் அல்லது மூவகை பக்தர்களுடைய தேவைகளையொட்டி (துன்பமுற்றவர்கள், ஞானத்தை விரும்புபவர்கள், பயனை வேண்டுபவர்கள்) அமையும்.

E¨ÉUxqÉÉSÒ¨ÉuxqÉÉiÉç mÉÔuÉïmÉÔuÉÉï ´ÉårÉÉrÉ pÉuÉÌiÉ ||

ஒவ்வொரு முந்தைய பக்தி நிலையும் அதனையடுத்து வரும் நிலையை விட, மேலான நன்மையை அடைய அதிகம் பயனுள்ளது.

முதல் நிலை சத்வ பக்தி, இரண்டாவது ரஜோ பக்தி, மூன்றாவது தமோ பக்தி.

தமஸ் என்பது இருள், செயலற்ற சோம்பல், ரஜஸ் அதிகாரம், அந்தஸ்து, இன்பத்தை விரும்பும் நிலை. சத்வமோ ஒருமை, இணக்கம், அமைதி, ஒளி. இவற்றுள் தமஸை விட ரஜஸ் சிறந்தது. ரஜஸை விட சத்வம் சிறந்தது.  சத்வமே மிக மேலான நிலை. தமஸோ அனைத்தினும் கடைப்பட்ட நிலை தன் மனம் எந்த நிலையிலிருக்கிறது என்பதை சாதகன் விழிப்போடு கவனித்து, சத்சங்கம், ஜபம், கீர்த்தனை, தியானம் வழிபாடு முதலியவற்றால் சத்வத்தை வளர்த்துக் கொள்ள முயல வேண்டும்.

AlrÉÉxqÉÉiÉç xÉÉæsÉprÉÇ pÉ£üÉæ ||

உய்வுக்கு பிற வழிகளைக் காட்டிலும் பக்தி கடைப்பிடிக்க எளிதானது.

mÉëqÉÉhÉÉliÉUxrÉÉlÉmÉå¤ÉiuÉÉiÉç xuÉrÉÇ mÉëqÉÉhÉiuÉÉiÉç ||

ஏனெனில் அதற்கு பக்தி வேறொரு சான்று தேவையில்லை, பக்தியே பக்திக்குச் சான்று.  பக்தி நிலையில் இறைனோடு நேர்த் தொடர்பு பக்தனுக்கு கிடைத்து விடுகிறது.

zÉÉÎliÉÃmÉÉiÉç mÉUqÉÉlÉlSÃmÉÉŠ  || 60 ||

அமைதி வடிவாகவும் பேரானந்த வடிவாகவும் அது பக்தி இருப்பதால், பக்தி வழி எளிது.

பக்தியைக் கடைப்பிடித்தால் அது உடனேயே மன அமைதியையும், பேரின்பத்தையும் அளிக்கும்.  வேறு சான்றுக்கு என்ன தேவை? பக்தியே மன அமைதியாகவும், பேரின்பமாகவும் அனுபவிக்கப்படுகிறது.

sÉÉåMüWûÉlÉÉæ ÍcÉliÉÉ lÉ MüÉrÉÉï ÌlÉuÉåÌSiÉÉiqÉsÉÉåMüuÉåSiuÉÉiÉç ||

உலகத் துன்பங்களைப்பற்றி பக்தன் கவலை கொள்வதில்லை; ஏனெனில் அவன் தன்னையும், உலகையும், வேதங்களையுமே இறைவனுக்கு அர்ப்பணித்து விட்டான்

lÉ iÉiÉç ÍxÉ®Éæ sÉÉåMüurÉuÉWûÉUÉå WåûrÉÈ ÌMüliÉÑ TüsÉ irÉÉaÉxiÉiÉç xÉÉkÉlÉqcÉ MüÉrÉïqÉåuÉ ||

பக்தி எய்துவதற்காக ஒருவன் உலக விவகாரங்களை தன் கடமைகளை விட்டுவிடக் கூடாது.  அவற்றை நிச்சயமாகச் செய்ய வேண்டும். அவற்றின் பலனை மட்டுமே இறைவனுக்கு அர்ப்பணித்து விடவேண்டும்.

x§ÉÏkÉlÉlÉÉÎxiÉMüÌuÉËUcÉËU§ÉÇ lÉ ´ÉuÉhÉÏrÉqÉç ||

பெண்கள், செல்வம், நாஸ்திகர், பகைவன் ஆகியோர் வரலாறு, வர்ணனைகளைக்

கேட்கக் கூடாது.

AÍpÉqÉÉlÉSÇpÉÉÌSMÇü irÉÉerÉqÉç ||

அகந்தை, கபடம் அல்லது போலித்தனம், மற்றைய தீய பண்புகளைத் தொலைக்க வேண்டும்.

iÉSÌmÉïiÉÉÎZÉsÉÉcÉÉUÈ qÉlÉç MüÉqÉ¢üÉåkÉÉÍpÉqÉÉlÉÉÌS iÉÎxqɳÉåuÉ MüUhÉÏrÉqÉç || 65 ||

எல்லா செயல்களையும் இறைவனுக்கு அர்பணித்துவிட்ட பின், அவன் (பக்தன்) தன் விருப்பம், கோபம், அகந்தை, கர்வம் போன்றவற்றை இறைவனிடமே காட்ட வேண்டும்.

̧ÉãmÉpÉÇaÉmÉÔuÉïMÇü ÌlÉirÉSÉxrÉÌlÉirÉMüÉliÉÉpÉeÉlÉÉiqÉMÇü mÉëåqÉ MüÉrÉï mÉëåqÉæuÉ MüÉrÉïqÉç ||

விசுவாசமுள்ள உண்மையான பணியாளன், அன்பு மனைவி இவர்கள் காட்டும் அன்பு, முன்னால் சொல்லப்பட்ட மூவகைகளையும் கடந்த அன்பு – அப்படிப்பட்ட அன்பு ஒன்றே கடைப்பிடிக்கப்பட வேண்டும்,

முக்குண ஆதிக்கங்களையே கடந்து எப்போதும் இறைவனுக்கு தொண்டாற்ற விழையும் பக்தியே பக்தனுக்கு லட்சணமாக இருக்க வேண்டும்.

pÉ£üÉ LMüÉÎliÉlÉÉå qÉÑZrÉÉÈ ||

இறைவனிடம் இறைவனுக்காகவே ஒருமுகப்பட்ட பக்தியுடையவர்கள் முதன்மையான முக்கிய பக்தர்கள்.

MühPûÉuÉUÉåkÉUÉåqÉÉl¶ÉÉ´É×ÍpÉÈ mÉUxmÉUÇ sÉmÉqÉÉlÉÉÈ mÉÉuÉrÉÎliÉ MÑüsÉÉÌlÉ mÉ×ÍjÉuÉÏÇ cÉ ||

ஒருவருடன் ஒருவர் உணர்ச்சியால் கம்மிய குரலோடு, மயிர் கூச்செறிந்தவர்களாய், கண்ணீர் வழிய பேசிக்கொள்ளும் பக்தர்கள் தங்கள் குலத்தையும், தாங்கள் பிறப்பெடுத்த இப்புவியையும் தூய்மைப்படுத்துகிறார்கள்.

iÉÏjÉÏïMÑüuÉïÎliÉ ÌiÉjÉÉïÌlÉ xÉÑMüqÉÏï MÑüuÉïÎliÉ MüqÉÉïÍhÉ xÉcNûÉx§ÉÏMÑüuÉïÎliÉ zÉÉx§ÉÉÍhÉ ||

பக்தர்கள் தலங்களை, தீர்த்தங்களை புனித நீர்த்துறைகளாக, புனிதத் தலங்களாக ஆக்குகிறார்கள்; சாதாரணச் செயல்களை நற்செயல்களாக மாற்றுகிறார்கள்; சாஸ்திரங்களுக்கு ஒரு புதிய ஏற்றத்தை தருகிறார்கள்.

iÉlqÉrÉÉ || 70 ||

ஏனெனில் அவர்கள் அவனுடைய (இறைவனுடைய) இயல்பினால் நிறைந்தவர்கள்.

qÉÉåSliÉå ÌmÉiÉUÉå lÉ×irÉÎliÉ SåuÉiÉÉÈ xÉlÉÉjÉÉÈ cÉårÉÇ pÉÔpÉïuÉÌiÉ ||

ஒரு பக்தன் தோன்றுங்கால் அவனது பித்ருக்கள் மகிழ்கிறார்கள், தேவர்கள் களிப்பில் ஆடுகிறார்கள், இப்புவியோ ஒரு ரக்‌ஷகனைப் பெறுகிறது.

lÉÉÎxiÉ iÉåwÉÑ eÉÉÌiÉÌuɱÉÃmÉMÑüsÉkÉlÉÌ¢ürÉÉÌSpÉåSÈ ||

அவர்களுக்கிடையே (பக்தர்கள்) ஜாதி, கல்வி, அழகு, குலம், செல்வம், தொழில் இவற்றினால் வரும் உயர்வு தாழ்வுகள் எதுவும் இல்லை.

rÉiÉxiÉSÏrÉÉ ||

ஏனெனில் அவர்களனைவரும் இறைவனின் உடைமைகளே.

பக்தர்கள் இறைவனுக்குச் சொந்தமானவர்கள், அவனது உடைமைகளேயாவர்கள். அவனது விசேஷ அன்புக்குரியவர்களாவர்கள்.  பக்தனுக்கு உலகிலுள்ள எல்லாமே இறைவன் தான்.

uÉÉSÉå lÉÉuÉsÉqorÉÈ ||

யாரிடமும் விவாதம் அல்லது சொற்போர் செய்யக் கூடாது.

இறைவனைப் பற்றியோ ஆன்மீக உண்மைகளைப் பற்றியோ யாரிடமும் விவாதத்தில் ஈடுபடக்கூடாது.

oÉÉWÒûsrÉÉuÉMüÉzÉiuÉÉSÌlÉrÉiÉiuÉÉŠ || 75 ||

ஏனெனில் கருத்து வேற்றுமைக்கு நிறைய இடமிருக்கின்றது.  மேலும் புத்தியை துணை கொண்டு எடுக்கும் கருத்தும் முடிவானதல்ல.  எனவே வேண்டாத வீண் விவாதங்களை விட்டுவிடு. அடக்கமாக, எளிமையாக இருந்து கொண்டு, தினசரி சாதனம் செய்.  விவாதத்தில் நேரத்தையும், சக்தியையும் செலவிடாதே.

pÉÌ£üzÉÉx§ÉÉÍhÉ qÉlÉlÉÏrÉÌlÉ iɲÉåkÉMüMüUçÇAÉÍhÉ MüUhÉÏrÉÉÌlÉ || 76 ||

பக்தியை அடைய அதை வளர்க்கும் நூல்கள் படித்துச் சிந்திக்கப்பட வேண்டும்.  அப்படியே பக்தியை எழுப்பும் செயல்களும் செய்யப்பட வேண்டும்.

பக்தியின் லட்சியம், மகிமை, இனிமை, இறைவனது லீலைகள், மகான்களின் வரலாறு, மற்றும் பக்தியை வளர்க்க உதவும் சாதனங்கள் இவை பற்றிய நூல்களைப் படிக்க வேண்டும்.  அத்தகைய நூற்படிப்பால் பக்தி வளரும்.

அதற்கு துணை செய்யும் முக்கியமான நூல்களாவன: ராமாயணம், ஸ்ரீமத் பாகவதம், நாராயணீயம், பகவத் கீதை, விஷ்ணுபுராணம், அத்யாத்ம ராமாயணம், துளசி ராமாயணம், விஷ்ணு ஸஹஸ்ரநாம்ம், சாண்டில்ய சூத்திரங்கள், சிவபுராணம், தேவீ பாகவதம், நாரத பஞ்சரத்னம், பக்தியோகசாரம், பக்தியும் சங்கீர்த்தனமும், பக்திரஸாம்ருதம், தேவாரம், திருவாசகம், திவ்யப்ரவந்தம், தசபோதம், துக்காராமின் கீர்த்தனை, ஞானேசுவரி, பக்தி ரசாயனம், பக்தி ராசம்ருத ஸிந்து முதலியன.

xÉÑZÉSÒÈZÉåcNûÉsÉÉpÉÉÌSirÉ£åü MüÉsÉå mÉëiÉϤÉqÉÉhÉå ¤ÉhÉÉkÉïqÉÌmÉ urÉjÉïÇ lÉ lÉårÉqÉç ||

இன்ப, துன்பங்கள், ஆசை, லாபம், இவற்றை அனுபவித்த பின் தியானத்திற்காக இருக்கக்கூடிய நேரம் மிக குறைவு.  எனவே அரை நொடியைக்கூட ஒருவன் வீணாக்கலாகாது.

AÉÌWÇûxÉÉxÉirÉzÉÉæcÉSrÉÉÎxiÉYrÉÉÌS cÉÉËU§rÉÉÍhÉ mÉËUmÉÉsÉlÉÏrÉÉÌlÉ ||

நற்பண்புகளான அஹிம்ஸை, சத்தியம், தூய்மை, கருணை, வேதங்களிலும், இறைவன் இருக்கிறான் என்பதிலும் நம்பிக்க மற்றும் இவை போன்ற குணங்களையும் கட்டாயமாகப் பயின்று கடைப்பிடித்து அவற்றைக் காக்க வேண்டும்.

xÉuÉïSÉ xÉuÉïpÉÉuÉålÉ ÌlÉͶÉliÉÉæpÉïaÉuÉÉlÉåuÉ pÉeÉlÉÏrÉ ||

பொறுப்புக்கள், கவலைகளினின்றும் விடுபட்டவனாய் முழு மனதோடு, இதயபூர்வமாக எப்போதும் இறைவனை மட்டுமே வழிப்பட வேண்டும்,

xÉ MüÐirÉïqÉÉlÉÈ zÉÏbÉëqÉåuÉÉÌuÉpÉïuÉirÉlÉÑpÉÉuÉrÉÌiÉ pÉ£üÉlÉç || 80 ||

இவ்விதமாக அழைக்கப்பட்டதும், புகழப்பட்டதும் இறைவன் விரைவில்

தோன்றுகிறான்.  தன் பக்தர்களை தன்னை அநுபவிக்கவும் வைக்கிறான்.

அவர்களுக்கு அநுபூதி அருளுகிறான்.

̧ÉxÉirÉxrÉ pÉÌ£üUåuÉ aÉUÏrÉxÉÏ pÉÌ£üUåuÉ aÉUÏrÉxÉÏ || 81 ||

ஞானம், கர்மம், பக்தி என்ற மூன்று சத்தியப் பாதைகளில் பக்தியே மேலானது, பக்தியே மேலானது.

aÉÑhÉqÉÉWûÉiqrÉÉxÉÌ£üÃmÉÉxÉÌ£ümÉÔeÉÉxÉÌ£üxqÉUhÉÉxÉÌ£üSÉxrÉÉxÉÌ£ü

xÉZrÉÉxÉÌ£üuÉÉixÉsrÉÉxÉÌ£üMüÉliÉÉxÉYirÉÉiqÉÌlÉuÉåSlÉÉxÉÌ£üiÉlqÉrÉÉ

xÉÌ£ümÉUqÉÌuÉUWûÉqÉÌ£üÃmÉæMükÉÉmrÉåMüÉSzÉkÉÉ pÉuÉÌiÉ || 82 ||

இறைவனிடம் செலுத்தும் பக்தியானது விதவிதமாக வெளிப்படுத்தப்படுகின்றது.  கீழ்கண்ட பதினொரு வெளிப்பாடுகளும் பக்திதான்.

1.   இறைவனுடைய அருங்குணங்களை போற்றுதல்

2.   அவனது மோகன வடிவில் அன்பு வைத்தல்

3.   அவனது வழிபாட்டில் அன்பு

4.   எப்போதும் அவனைப் பற்றி நினைப்பதில் அன்பு

5.   அவனுடைய பணியில் அன்பு

6.   அவனை நண்பனாக நேசித்தல்

7.   அவனைக் குழந்தையாக அன்பு காட்டல்

8.   அவனை கணவனாகவோ, மனைவியாகவோ நினைந்து பக்தி செலுத்துதல்

9.   சரணாகதியில் அன்பு

10.  அவனில் முழுமையாகக் கலத்தல்.

11.  அவனிடமிருந்து பிரந்த விரகதாபம்.

CirÉåuÉÇ uÉSÎliÉ eÉlÉeÉsmÉÌlÉpÉïrÉÉ LMüqÉiÉÉÈ

MÑüqÉÉZrÉÉxÉzÉÑMüzÉÉÎhQûsrÉaÉaÉïÌuÉwhÉÑMüÉæÎhQûsrÉzÉåwÉÉå®ÉuÉÉÂÍhÉ oÉÍsÉWûlÉÔqÉ̲ÍpÉwÉhÉÉSrÉÉå pÉ£üÉcÉÉrÉÉïÈ  || 83 ||

இப்படியாக பக்தியை விளக்கும் ஆசாரியர்கள் – சனத்குமார்ர், வியாசர், சுகர், சாண்டில்யர், கர்கர், விஷ்ணு, கௌண்டில்யர், சேஷன், உத்தவ, ஆருணி, பலி, ஹனுமான், விபீஷணன் முதலானோர் ஒரு மனதாக பிறரது கடுமையான விமர்சனங்களுக்கு அஞ்சாது முழங்கியிருக்கின்றார்கள்

rÉ CSÇ lÉÉUSmÉëÉå£Çü ÍzÉuÉÉlÉÑzÉÉxÉlÉÇ ÌuɵÉxÉÌiÉ ´É®iÉå xÉ pÉÌ£üqÉÉlpÉuÉÌiÉ xÉ mÉå¹Ç sÉpÉiÉå xÉ mÉëå¹Ç sÉpÉiÉå CÌiÉ || 84 ||

நாரதரால் சொல்லப்பட்ட இந்த மங்களகரமான உபதேசத்தில் நம்பிக்கையும் சிரத்தையும் உடையவன் பக்திமான் ஆகின்றான்.  அன்புக்குகந்த மேலான இறைவனை அடைகிறான், இறைவனை அடைகிறான்.

கடோ உபநிஷத் - பாகம்-2

இரண்டாவது அத்தியாயம் – முதல் வல்லி

முகவுரை:-

இந்த அத்தியாயத்தில் மூன்று கருத்துக்கள் கூறப்பட்டுள்ளது.  அவைகள்

1. ஜீவ-ஈஸ்வர ஐக்கியம்,

2. அதை அடைய சில சாதனங்கள்,

3. ஆத்ம ஞானத்தினால் அடையும் பலன்கள்.

ஜீவ-ஈஸ்வர ஐக்கியத்தை பற்றி புதிய முறையில் விளக்கப்படுகின்றது.  அவஸ்தாத்ரயம் (சரீராத்ரயம் ) விசாரமும் செய்யப்படுகின்றது.  ஆத்ம பலனை வெவ்வேறு வகையாக கூறப்பட்டுள்ளது.
 
ஸ்லோகம்-01
பராஞ்சி கா2னி வ்யத்ருணத்ஸ்வயம்பூ4ஸ்த்ஸ்மத்பராங் பஶ்யதி நாந்தராத்மன |
கஶ்சித்3தீ4ர: ப்ரத்யகா3த்மானமைக்ஷதா3வ்ருத்தசக்ஷுரம்ருதத்வமிச்ச2ன: ||
நமது ஞானேந்திரியங்கள் இயற்கையாகவே வெளி விஷயங்களை நோக்கி செல்வதாகவே ஈஸ்வரன் படைத்துள்ளார்.  அதனால்தான் இவைகளை வெளியுலகை நாடியே செல்கின்றது.  பகவானே இவ்வாறு ஒரு கஷ்டத்தை ஜீவனுக்கு கொடுத்து விட்டார்.  இந்திரியங்களை பயன்படுத்திதான் ஆக வேண்டும் ஆனால் இவைகளுக்கு அடிமையாகி விடக்கூடாது.  அவைகள் கொடுக்கும் இன்பத்திற்கு மயங்கி விடக்கூடாது.  இவைகளை உள்முகமாக திருப்பினால், புத்தியில் ஒடுக்கப்பட்டால் புத்தியானது மிகவும் சூட்சுமமாகின்றது.  யாரோ ஒரு விவேகிதான் அந்தராத்மாவை பார்க்கின்றான்.  இவ்வாறு இந்திரியங்களை உட்புறமாக திருப்பியவன் மரணத்திலிருந்து விடுபட விரும்புபவன், சம்சாரத்திலிருந்து விடுதலைப் பெற விரும்புபவன், மோட்சத்தை அடைவதில் தீவிர நாட்டமுடையவனாக இருக்கின்றான்..
 

ஆத்மா என்ற சொல் நான்கு வினையடிகளிலிருந்து தோன்றியது.

1. ஆப்னோதி இதி ஆத்மா – எது எங்கும் வியாபித்திருக்கின்றதோ அதுவே ஆத்மா

2. ஆத4த்தே – எது எல்லவற்றிற்கும் ஆதாரமாக இருக்கின்றதோ அதுவே ஆத்மா

3. அத்3தி – எது ஜீவ-ஸ்வரூப விஷயத்தில் சாட்சியாக இருக்கின்றதோ அதுவே ஆத்மா

4. அத்தே – மூன்று காலத்திலும் அழியாமல் எது இருக்கின்றதோ அதுவே ஆத்மா

 

ஸ்லோகம்-02
பராச: காமனனுயந்தி பா3லாஸ்தே ம்ருத்யோர்யந்தி வித்தஸ்ய பாஶாம் |
அத2 தீ4ரா அம்ருதத்வம் விதி3த்வா த்4ருவமுத்4ருவேஷ்விஹ ந ப்ரார்த2யந்தே ||
குழந்தைத்தன்மையுடையவர்கள், விவேகமில்லாமல் வீணாக காலத்தை கழிப்பவர்கள், வெளியுலக இன்பம் தரும் பொருட்களை நாடுகின்றார்கள்.  அவர்கள் மரணத்தின் (அறியாமை, ஆசை, சம்சாரம்) பிடியில் சிக்கிக் கொள்கிறார்கள், சம்சாரம் என்னும் பிறப்பு-இறப்பு என்ற வலையில் விழுந்து விடுகின்றார்கள்  இந்த நிலையில் இருப்பவர்களின் மனம் போகத்திலே இருக்கும்.  வயதாக ஆக இந்திரியங்களின் சக்தி குறைந்து கொண்டே போகும் அதனால் அனுபவிக்கும் சக்தியும் குறைந்து கொண்டே போகும் எனவே மனதுயரத்தை அடைவார்கள்.  ஆனால் சான்றோர்கள் எங்கும் இருக்கின்ற, கால ஸ்வரூபியாக இருக்கின்ற நிலையான மனநிறைவை கொடுக்கின்ற மோட்சத்தை அறிந்து கொண்டு இவ்வுலகில் நிலையற்ற பொருட்களில் நாட்டம் கொள்வதில்லை, வேண்டுவதில்லை.

 

ஸ்லோகம்-03
யேன ரூபம் ரஸம் க3ந்த4ம் ஶப்3தா3ன்ஸ்பர்ஶாம்ஶ்ச மைது2னான் |
ஏதேனைவ விஜானாதி கிமத்ர பரிஶிஷ்யதே ஏஜத்3வை தத் ||
த்ருக் த்ருஷ்ய விவேகம் – பார்ப்பவன் வேறு, பார்க்கப்படும் பொருள் வேறு என்ற அறிவு
உதாரணமாக இந்த உடலை நான் பார்க்கின்றேன் என்று சொல்லும் போது நான் பார்ப்பவனாக இருக்கின்றேன்.  இந்த உடல் பார்க்கப்படும் பொருளாக இருப்பதால் அது வேறாக இருக்கின்றது.  ஆகவே அறிகின்ற நான் வேறு அறியப்படும் விஷயங்கள் வேறு என்று புரிந்து கொள்ள முடிகின்றது.  எந்த வெளி விஷயங்களில் எனக்கு அபிமானம் இருக்கின்றதோ அதற்கு வரும் நஷ்டம் எனக்கு துயரத்தை கொடுக்கின்றது.  அதேபோல இந்த உடலுக்கு ஏதாவது கஷ்டம் வரும்போது எனக்கு துயரம் உண்டாகின்றது. 
 
எந்த சைதன்யத்தால் மட்டும் உருவம், சுவை, மணம், சப்தம், தொட்டுணர்தல் ஆகியவைகளெல்லாம் அறியப்படுகின்றதோ, இந்திரியங்கள் விஷயத்தில் சம்பந்தம் வைப்பதால் வருகின்ற சுகம், துக்கம் கூட எந்த சைதன்யத்தால் அறியப்படுகின்றது.  பிறகு அறிய எஞ்சியுள்ளது ஒன்றுமில்லை.  இதிலிருந்து ஆத்மாவால் அறியப்படாதது எதுவுமே இல்லை என்று அறியப்படுகின்றது.  இப்படிபட்ட சித் ஸ்வரூபம்தான் அந்த ஆத்மாவாகிய பிரஹ்மம்.  இதுவேதான் எல்லா பிரபஞ்சத்திற்கும் ஆதாரமாக இருக்கின்றது.
 
த்ருக் த்ருஷ்ய விவேக விசாரம்:-
எது என்னால் அனுபவிக்கப்படுகின்றதோ அது நானல்ல.  இந்திரியங்களின் செயல்கள் என்னுடையதாக நினைக்கப்படுகின்றது.  (உ-ம்) நான் பார்க்கின்றேன், நான் நடக்கின்றேன் என்ற இந்த வாக்கியங்களில் கண் பார்க்கின்றது, அது பார்க்கின்ற விஷயங்கள் என்னால் அறியப்படுகின்றது.  இந்திரியங்களின் செயல்கள் எனக்கு அனுபவமாகவும், அறிவுபூர்வமாக அறிந்து கொள்ளுவதாலும் அவைகள் நானல்ல.  நம் மனதில் எண்ணற்ற எண்ணங்கள் ஓடிக் கொண்டிருப்பதை பார்க்கின்றோம். நம்முடைய உணர்ச்சிகளும் எண்ணங்கள்தான். நான் விரும்புகின்றேன், கோபத்துடன் இருக்கின்றேன் என்பதெல்லாம் எண்ணங்கள்தான்.  இவ்வாறு என் மனதிலுள்ள எண்ணங்களை நான் அறிகின்றேன்.  எனவே த்ருக்-த்ருஷ்ய விவேகத்தின் நியதிப்படி அவைகள் வேறு என்று தெளிவாக அறியப்படுகின்றது.  தோன்றுகின்ற எண்ணங்களை வெளிப்படுத்தும் மனம் நானல்ல என்று தெரிகின்றது. புத்தியின் செயல்களும் நம்மால் அனுபவிக்கப்படுவதால் அதுவும் நானல்ல என்று அறிந்து கொள்ள முடிகின்றது.  இதிலிருந்து எல்லாவித அனுபவங்களுக்கும் சாட்சியாக இருக்கின்ற ஆத்மாதான் பிரஹ்மம் என்று புரிந்து கொள்ள முடிகின்றது
 

இந்த உடல் நானல்ல என்று சொல்லும்போது ஒரு சந்தேகம் எழுகின்றது.  இந்த உடலை நான் அனுபவிக்கின்றேன், இந்த உடலுக்கு ஏதாவது துன்பம் வந்தால் நான் பாதிக்கப்படுகின்றேன்.  பிறகு எப்படி நான் வேறாக இருக்க முடியும் என்ற ஐயம் வரும்போது இந்த அனுபவங்கள் எல்லாம் பொய், ஏனென்றால் அனுபவம் எப்பொழுதும் பொய்யாகத்தான் இருக்கும். நீலவானம், சூரியோதயம் இவை அனுபவத்தில் வானம் நீலவர்ணமாகவும், சூரியன் கிழக்கில் உதிப்பது போலவும் இருக்கின்றது ஆனால் நம் அறிவில் இவைகள் பொய் என்று தெரிகின்றது.  எனவே அறிவுதான் எப்பொழுதும் உண்மை என்று ஏற்றுக்கொண்டு அனுபவம் ஒரு அத்யாஸம் என்று புரிந்து கொள்ள வேண்டும். 
 

அனுபவம் பொய்யென்று எப்படி புரிந்து கொள்வது?  இந்த சரீரத்தில் நான் என்ற அபிமானம் வைப்பதனால் இது நான் என்று எண்ணிக் கொண்டு இதற்கு வரும் கஷ்ட நஷ்டங்கள் அனைத்தும் எனக்கு பாதிப்பை ஏற்படுத்துகின்றது என்று உணர்கின்றோம். வெளி விஷயங்களுக்கு ஏதாவது நேர்ந்தால் உண்மையில் நம்மை பாதிக்கக்கூடாது ஆனால் நாம் அபிமானிக்கும் விஷயமாக இருந்தால் அதனால் பாதிக்கப்படுகின்றோம்.  உதாரணமாக நம்முடைய நெருங்கிய உறவினர்க்கோ, நண்பருக்கோ ஏதாவது துன்பம் வந்தால் நாமும் பாதிக்கப்படுகின்றோம், ஏனென்றால் அவர்கள் மீது நாம் அபிமானம் வைத்திருக்கின்றோம்.  ஆகையால் ஏதாவது ஒரு பொருள் மீது பற்று வைக்கும் போது அதற்கு வரும் நலம்-கேடு என்னைப் பாதிக்கின்றது.  நாம் நம் உடலின் மீது அபிமானம் வைத்திருப்பதால் அதனால் பாதிப்பை அடைகின்றோம்.  த்ருக்-த்ருஷ்ய விவேகம் முக்தியை கொடுக்காது, ஆனால் நம்மை இந்த சரீரத்திலிருந்து விடுவித்து விடும்.  அதேபோல மனம், புத்தி அனைத்தும் நானல்ல என்று நீக்க வேண்டும்.

 
ஸ்லோகம்-04
ஸ்வப்னாந்தம் ஜாக3ரிதாந்தம் சோபௌ4 யேனானுபஶ்யதி |
மஹாந்தம் விபு4மாத்மானம் மத்வா தீ4ரோ ந ஶோசதி ||

இந்த ஸ்லோகத்தில் அவஸ்தா த்ரயம் மூலம் ஆத்ம தத்துவம் விளக்கப்படுகின்றது.  நாம் ஒவ்வொருவரும் மூன்று விதமான அனுபவங்களை உடையவராக இருக்கின்றோம். அவைகள்

1.   விழிப்பு நிலை (ஜாக்ரத் அவஸ்தா) – வெளியே இருக்கும் உலகத்தை அனுபவிக்கின்றோம்.

2.   கனவு நிலை (ஸ்வப்ன அவஸ்தா) – இந்திரியங்களின் துணையில்லாமலே மனதினாலே ஒரு பிரபஞ்சத்தை உருவாக்கி அனுபவிக்கின்றோம்.

3.   ஆழ்ந்த உறக்கம் (சுஷூப்தி அவஸ்தா) – இந்த நிலையில் அறியாமையுமிருக்கின்றது, சுகத்தையும் அனுபவிக்கின்றோம்.

 

ஆத்மாவானது விழிப்புநிலை பதார்த்தங்களையும், கனவுநிலை பதார்த்தங்களையும் பார்த்து கொண்டு இருக்கின்றது.  இவைகளுக்கு சாட்சியாக இருந்து கொண்டு எந்தவிதமான அவஸ்தைகளையும் அனுபவிப்பதில்லை, அதற்கென்று எந்த அனுபவமும் கிடையாது.  கனவுலகில் அனுபவிக்கும்போது விழிப்புநிலை பொருட்கள் எதுவும் நமக்கு பயன்படாது, அதேபோன்று கனவுலகில் அனுபவிக்கும் எந்த விஷயமும் விழிப்புநிலையில் பயன்படாது.  இதிலிருந்து நாம் அறிந்து கொள்ள வேண்டியது எது வந்து போகின்றதோ அது அநித்யம் என்றும் எது தொடர்ந்து இருக்கின்றதோ அதுதான் நித்யம் ( நிலையானது ) என்பதாகும்.  இந்த மூன்று நிலைகளிலும் வந்து போவது விழிப்புநிலை பிரபஞ்சமும், கனவுநிலை பிரபஞ்சமும்தான், தொடர்ந்து இருந்து கொண்டிருப்பது நான் என்கின்ற ஆத்மா என்று தெளிவாக அறிந்து கொள்ள முடிகின்றது. 

 

நாம் காலம், தேசம், வஸ்து இவைகளைக் கண்டு பயந்து கொண்டிருக்கின்றோம், நானேதான் ஆத்மா என்று புரிந்து கொண்டால் நமக்கு இவைகளால் எந்தவிதமான பயமும் வராது.

 

கனவுநிலையில் தோன்றுகின்ற காலம், தேசம், பொருட்கள், விழிப்பு நிலையில் தோன்றுகின்ற காலம், தேசம், பொருட்கள் இந்த இரண்டும் எந்த சைதன்யத்தால் பார்க்கப்பட்டு கொண்டிருக்கின்றதோ அது எங்கும் வியாபித்துக் கொண்டிருக்கும், பூரணமான ( தேச, கால, வஸ்து பரிச்சேத ரஹிதம்) ஆத்மாவாக விவேகிகள் அறிந்து கொண்டு துன்பத்தை அனுபவிப்பதில்லை.

 
ஸ்லோகம்-05
ய இமம் மத்4வத3ம் வேத3 ஆத்மானம் ஜீவமந்திகாத் |
ஈஶானம் பூ4தப4வ்யஸ்ய ந ததோ விஜுகு3ப்ஸதே ஏதத்3வை தத் ||

இந்த ஸ்லோகத்தில் ஈஸ்வரனை பற்றிய விசாரம் செய்யப்படுகின்றது.  இரண்டு தத்துவங்களின் சேர்க்கைதான் ஈஸ்வரன் என்று அறிந்துள்ளோம்.  களிமண்ணால் செய்யப்பட்ட பானைகள் வெவ்வேறாக இருந்தாலும் எல்லாவற்றிலும் களிமண் என்ற ஒன்றே இருப்பது போல ஈஸ்வரன் என்ற விஷயத்தில் ஸத்யமான ( என்றும் இருப்பது ) பிரம்மம் என்ற ஒன்றுதான் மித்யாவாக தோன்றி கொண்டிருக்கும் இந்த பிரபஞ்சத்திற்கு காரணமாக இருக்கின்றது.  நாம ரூபங்களாக இருக்கும் இந்த பிரபஞ்சமே மித்யா, பொய்யான தோற்றம் என்று கூறப்படுகின்றது.  வெளித்தோற்றத்திற்கு வராத பிரபஞ்சமே மாயா என்றும், அதுவே காரண பிரபஞ்சம் என்றும் அழைக்கபடுகின்றது.  இந்த பிரம்மமானது காரண பிரபஞ்சத்தோடு சேரும்போது அது ஈஸ்வரன் என்று கூறப்படுகின்றது.  அதேபோன்று ஜீவனிடம் என்றும் இருப்பது ஆத்மாதான், அதுவே காரண சரீரத்தோடு சேர்ந்திருப்பதால் ஜீவன் என்று அழைக்கப்படுகின்றது.

 
பிரம்மம் + காரண பிரபஞ்சம் = ஈஸ்வரன்.
ஆத்மா   + காரண பிரபஞ்சம் = ஜீவன்
பொய்யான காரண பிரபஞ்சமும்,  காரண சரீரமும் நீக்கினால் பிரம்மமும், ஆத்மாவும் ஒன்றாகி விடுகின்றது.

 
ஸத்      – மூன்று காலத்திலும் இருப்பது
சித்       – அறிவு ஸ்வரூபமாக இருப்பது
ஆனந்தம் – பூரணமாக இருப்பது

இதுதான் பிரம்மத்தின் லக்‌ஷணம், இது அநாதி, அதேப்போன்று மாயாவும் அநாதி. இது இரண்டும் சேர்ந்து பார்க்கும்போது ஈஸ்வரன் என்று அறியப்படுகின்றது.  மூன்று விதமான பார்வையில் ஈஸ்வரனுக்கு மூன்றுவிதமான பெயர்கள் உள்ளது.

1.       மாயையோடு இருக்கும் பிரம்மமான ஈஸ்வரனுக்கு அந்தர்யாமி என்று பெயர். மாயைக்கு இருத்தல் என்ற தன்மையை கொடுப்பவர் ஈஸ்வரன்.

2.      மாயைக்கு காரண பிரபஞ்சம் என்றும் கூறுவர். இதுவே இந்த உலகத்திற்கு காரணமாக இருக்கின்றது.  சூட்சும பிரபஞ்சம் முதலில் மாயையிலிருந்து தோன்றியது.  இதிலிருந்து நம்முடைய சூட்சும சரீரமும் தோற்றுவிக்கப்படுகின்றது.  இப்பொழுது சூட்சும பிரபஞ்சத்தோடு சேர்ந்து பார்க்கும்போது ஈஸ்வரனுக்கு ஹிரண்யகர்ப்பன் என்று பெயர்.

3.      சூட்சும பிரபஞ்சத்திலிருந்து ஸ்தூல பிரபஞ்சம் தோன்றியது.  சூட்சும பஞ்ச பூதங்கள் ஸ்தூலமாக மாற்றும் முறைக்கு பஞ்சிகரணம் என்று பெயர்.  ஸ்தூல பிரபஞ்சத்தோடு பிரம்மத்தை ஈஸ்வரனாக பார்த்தால் அதற்கு விராட் என்று பெயர்.

 

இதேபோன்று ஜீவனுக்கும் மூன்று சரீரத்தின் அடிப்படையில் மூன்று பெயர்கள் உண்டு. அவைகள்

1.      ஆத்மா என்றழைக்கப்படும் பிரம்மமே மூன்று சரீரத்திற்கும் ஆதாரமாக இருக்கின்றது.  காரண சரீரத்தோடு இந்த ஆத்மாவை பார்த்தால் அதற்கு ஜீவன் என்று பெயர். இதில் அறியாமை நிறைந்திருப்பதால் காரண சரீரத்தை அவித்யா என்றும் கூறுவர்.  ஆழ்ந்த உறக்கத்திலும் அறியாமை இருக்கின்றது, இந்த அவஸ்தையில் உள்ள ஜீவனுக்கு பிராக்ஞன் என்று பெயர்.

2.      காரண சரீரத்திலிருந்து சூட்சும சரீரம் தோன்றுகிறது.  இந்த சூட்சும சரீரத்தோடு பார்க்கும் போது அதற்கு தைஜஸன் என்று பெயர்.

3.     ஸ்தூல சரீரத்தோடு ஆத்மாவை பார்த்தால் அதற்கு விஸ்வன் என்று பெயர்.

 
ஜாக்ரத் அவஸ்தையில் உள்ள ஜீவனுக்கு விஸ்வன் என்று பெயர். கனவு நிலையில் உள்ள ஜீவனுக்கு தைஜஸன் என்று  பெயர்.  ஆழ்ந்த உறக்கத்தில் உள்ள ஜீவனுக்கு பிராக்ஞன் என்று பெயர்.  மூன்று நிலைக்கும் பொதுவாக இருப்பவன் ஜீவன்.
 

·         சமஷ்டி மாயைக்கு அந்தர்யாமி என்று பெயர், வியஷ்டி மாயைக்கு பிராக்ஞன் என்று பெயர்.

·         சமஷ்டி சூட்சும மாயைக்கு ஹிர்ண்யகர்ப்பன், வியஷ்டி சூட்சும மாயைக்கு தைஜஸன்

·         சமஷ்டி ஸ்தூல மாயைக்கு விராட், வியஷ்டி ஸ்தூல மாயைக்கு விஸ்வன்.

 

மந்திர விளக்கம்:
யாரொருவர் இந்த ஜீவனை ( கர்ம பலனை அனுபவிப்பவன் ) மூன்று காலத்திலும் இருக்கின்ற ஈஸ்வரனிடத்திலிருந்து வேறுபாடில்லாமல் அறிகின்றானோ அவர் இந்த அறிவுக்கு பிறகு தன்னை காப்பாற்றிக் கொள்ள வேண்டும் என்ற ஆசையிலிருந்து விடுபடுகின்றான் ( ந விஜுகுப்ஸதே ).  இந்த ஆத்மாதான் அந்த ஈஸ்வரன்.
.
ந விஜுகுப்ஸதே – பலன் விசாரம்:-
எல்லோரும் தன்னுடைய பாதுகாப்பை நாடித்தான் எல்லா செயல்களையும் செய்கின்றார்கள்.  அதனால் தான் துயரத்தை அனுபவிக்கின்றார்கள். எல்லோரும் பயத்தின் நடுவில்தான் வாழ்கின்றோம் என்று சங்கரர் சொல்கிறார்.  நம்மால் எந்தப்பொருளை காப்பாற்ற முடியும்?  உலகத்திலுள்ள எல்லா பொருட்களும் அழிவை அடையக்கூடியது, எனவே அவைகளை காப்பாற்ற எடுக்கும் முயற்சியால் எந்த பலனும் கிடைக்காது.  அழியாத பொருட்களை காப்பாற்றத் தேவையில்லை.  இந்த அறிவால் அழியப்போகும் இந்த உடலை காப்பாற்ற வேண்டும் என்ற பயம் நீங்குவதுடன், அதை காப்பாற்ற எடுக்கும் முயற்சிக்கு எந்த பலனும் கிடைக்காது என்று உணர்ந்தவுடன், அதிலிருந்து வரும் துயரங்களிலிருந்து விடுபடுகின்றோம். நானே ஆத்மா என்று அறிந்தவுடன், நான் அழியாதவன் அதனால் என்னைக்காப்பாற்றிக் கொள்ள வேண்டும் என்ற பயம் நீங்கயவனாக இருந்து கொண்டிருப்பேன்.  ஆத்மா ஒன்றுதான் எனவே எனக்கு பயமும் கிடையாது, துயரமும் கிடையாது.  இந்த ஞானம் வந்தவுடன் எந்தப் பொருட்களிடத்திலும் வெறுப்போ, அருவெறுப்போ வருவதில்லை.  நானே அனைத்துமாக இருப்பதால் யாரையும் வெறுக்க முடியாது, அருவெறுப்பு கொள்ள முடியாது.
 
ஸ்லோகம்-06
ய: பூர்வம் தபஸோ ஜாத்மத்3ப4ய: பூர்வமஜாயத |
கு3ஹாம் ப்ரவிஶ்ய திஷ்தந்தம் யோ பூ4தேபி4ர்வ்யபஶ்யத ஏதத்3வை ||
அந்தர்யாமியின் தவத்தின் பலனாக ஸ்தூலமான நீர் போன்ற பஞ்ச பூதங்களுக்கு முன் ஹிரண்யகர்ப்பன் தோன்றினார்.  ஒவ்வொரு ஜீவராசியின் புத்தியில் நுழைந்து சூட்சும சரீர அங்கங்களில் இருக்கின்றார் என்று யார் அறிகின்றார்களோ அவர்களுக்கு.  இந்த ஹிரண்யகர்ப்பன்தான் அந்த பிரம்மம் என்ற அறிவும் கிடைக்கின்றது
 
ஐந்து ஞானேந்திரியங்கள், ஐந்து கர்மேந்திரியங்கள், ஐந்து பிராணன்கள், மனம், புத்தி, சித்தம் மற்றும் அகங்காரம் இவைகளின் ஒன்றுசேர்ந்த தொகுப்பையே சூட்சும சரீரம் என்று அழைக்கப்படுகின்றன. இதனை பிராண சரீரம் என்றும் கூறுவர்
 
ஸ்லோகம்-07
யா ப்ரணேன ஸம்ப4வத்யதி3திர்தே3வதாமயீ |
கு3ஹாம் ப்ரவிஶ்ய தி2ஷ்டந்தீம் யா பூ4தேபி4ர்வ்யஜாயத ஏதத்3வை ||
யார் பிராண ரூபமாக தோன்றியுள்ளாரோ, அவரே ஞானேந்திரியங்களின் வழியாக உலகத்திலுள்ள விஷயங்களை அனுபவித்துக் கொண்டிருப்பவர்.  இவ்வாறு எல்லா சூட்சும சரீரங்களில் இருந்து கொண்டு இந்த உலகத்தை அனுபவிக்கும் ஹிரண்யகர்ப்பர் எல்லா தேவதைகளுமாக இருப்பவர்.  ஒவ்வொரு இந்திரியத்தையும் தேவதையாக எடுத்துக் கொண்டால் எல்லா தேவதைகளுமாக இவர் இருக்கின்றார் என்ற அறிவும் கிடைக்கின்றது.  இவர் ஒவ்வொரு ஜீவராசிகளின் இதயத்தில், புத்தியில், மனதில் வீற்றிருக்கின்றார். இந்த ஹிரண்யகர்ப்பனே அந்த பிரம்மம்.  ஐந்து சூட்சும பூதங்களிலிருந்து ஸ்தூல பூதங்கள் தோன்றுகின்றது.
 
ஸ்லோகம்-08
அரண்யோர்நிஹிதோ ஜாதவேதா3 க3ர்ப4 இவ ஸுப்4ருதோ க3ர்பி4ணீபி4: |
தே3வே தி3வ ஈட3யோ ஜாக்3ருவத்3பி4ர்ஹவிஷ்மத்3பி4ர்மனுஷ்யேபி4ரக்3னி: ஏதத்3வை ||
அக்னியை விராட் என்று அழைக்கப்படுகின்றது, இதுதான் நம்மால் பார்க்கக்கூடிய பஞ்ச பூதங்களில் முதலில் இருப்பது. அரணி என்ற இரண்டு மரக்கட்டைகளுக்குள் இருக்கின்ற அக்னியானது கருவுற்ற பெண்களால் காக்கப்படுகின்ற கருவைப்போல உபாஸனை செய்கின்ற மனிதர்களால் யாகம் செய்கின்ற மனிதர்களால் ஒவ்வொரு நாளும் தொடர்ந்து வழிபடப்படுகின்றது. அரணி கட்டையும், வயிறும் விராட்டின் மறுபெயர்களாகும். இந்த விராட் பிரம்ம ஸ்வரூபமாகவே இருக்கின்றார்.  இதன் மூலம் இந்த உலகிலுள்ள எல்லா ஜீவராசிகளின் ஸ்தூல உடல்களிலும் நான் இருக்கின்றேன் என்ற ஸர்வாத்மா புத்தி ஏற்பட வேண்டும்.
 
ஸ்லோகம்-09
யதஶ்சேதே3தி ஸூயோÅஸ்தம் யத்ர ச க3ச்ச2தி |
தம் தே3வா: ஸர்வேர்பிதாஸ்தது3 நாத்யேதி கஶ்சன ஏதத்3வை தத் ||

இதில் ஹிரண்யகர்ப்ப தத்துவத்தை விளக்கி ஐக்கியம் கூறப்படுகின்றது. எந்த தத்துவத்திலிருந்து ( ஹிரண்யகர்ப்பன்) சூரியன் உதிக்கின்றானா, அஸ்தமனம் ஆகின்றானோ  எல்லா தேவதைகளும் அந்த தத்துவத்தையே சார்ந்திருக்கின்றார்கள்.  எந்த ஒன்றும் அந்த தத்துவத்தை மீறுவதில்லை.  அந்த ஹிரண்யகர்ப்ப தத்துவமே பிரம்மம் என்று தெரிந்து கொள்

 
ஸ்லோகம்-10
யதேவேஹ தத3முத்ர யத3முத்ர தத3ன்விஹ |
ம்ருத்யோ: ஸ ம்ருத்யுமப்னோதி ய இஹ நானேவபஶ்யதி ||
இதில் ஜீவ-ஈஸ்வரன் ஐக்கியம் சொல்லப்படுகின்றது. எந்த ஒன்று இங்கு இருக்கின்றதோ அதுவே அங்கும் இருக்கின்றது. எது அங்கேயிருக்கின்றதோ அதுவே மிக அருகில் இங்கே இருக்கின்றது.
 
எந்த தத்துவம் ஜீவ சம்சாரத்தை அடைந்தது போல் இருக்கின்றதோ அதுவே சம்சாரத்தை கடந்ததாக இருக்கின்றது. சம்சாரியாக தெரிகின்ற ஜீவனும், சம்சாரமற்ற ஈஸ்வரனும் ஒன்று இங்கு சொல்லப்படுகின்றது என்று புரிந்து கொள்ள வேண்டும்.  எப்படி இருவரும் ஒன்றாக இருக்க முடியும் என்று கேள்வி எழும் போது கடல்-அலை உதாரணத்தை பார்த்து புரிந்து கொள்ளலாம்.  அலைகள் கடலிலே தோன்றி பின்பு அதிலேயே அழிந்து விடுகின்றது. கடலில் இருப்பதும் நீர்தான், அலைகளில் இருப்பதும் நீர்தான். நீர் என்ற ஒன்று அலைகள் என்று கூறுவது வியஷ்டியை குறிக்கின்றது, கடலை குறிப்பிடும்போது சமஷ்டியை குறிக்கின்றது. ஜீவனுக்கும் ஈஸ்வரனுக்கும் பிரம்மத்தின் அடிப்படையில் வேறுபாடில்லை, ஆனால் நாம-ரூபத்தில் வேறுபட்டிருக்கின்றது.  அலைகள் கடலில் தோன்றி அதிலேயே மறைந்து விடுவது போல ஜீவன் ஈஸ்வரனிட்த்திலிருந்து தோன்றி அவரிடமே லயமடைந்து விடுகின்றான்.  சரீரத்தில் அபிமானம் இருந்து கொண்டிருக்கும்வரை ஜீவ-ஈஸ்வரனுக்குமிடையே த்வைத புத்தி இருந்து கொண்டேயிருக்கும். அதாவது ஈஸ்வரன் படைப்பவன், நான் படைக்கப்பட்டவன் என்ற இருமை புத்தி இருந்து கொண்டேயிருக்கும்.
 
மந்திர விளக்கம்:
யாரொருவன் ஜீவ-ஈஸ்வர விஷயத்தில் வேறுபாடு இருப்பது போல் பார்க்கின்றானோ அவன் மரணத்திலிருந்து மரணத்தை அடைகின்றான்.  அதாவது எவனொருவன் ஈஸ்வரனை தனக்கு வேறாக பார்க்கின்றானோ அவன் சம்சார சுழலிலேயே இருக்கின்றான், பிறவி பெருங்கடலை கடக்காமல் இருக்கின்றான்.
 
ஸ்லோகம்-11
மனஸைவேத3மாப்தவ்யம் நேஹ நானாஸ்தி கிஞ்சன |
ம்ருத்யோ: ஸ ம்ருத்யும் க3ச்ச2தி ய இஹ நானேவ பஶ்யதி ||
இந்த உலகம் சத்யம் என்ற எண்ணத்தை நீக்கி பிரம்மம் ஒன்றுதான் சத்யம் என்று அறிந்திட வேண்டும்.  இதில் ஈஸ்வரனுக்கு இந்த உலகத்திற்குமிடையே உள்ள வேறுபாட்டை நீக்குகின்றது.
 
நேஹ நானாஸ்தி கிஞ்சன:-. (விசாரம்)
இந்த உலகில் மிக சிறிதளவு கூட வேறுபாடு கிடையாது.  இந்த உலகம் நாம் அனுபவிக்கவில்லையென்றால் அது இல்லை என்று சொல்ல தேவையில்லை.  உலகமே இல்லையென்றால் அது இல்லை என்று சொல்லவும் தேவையில்லை.  இல்லாத ஒன்றில் இருக்கின்றது என்ற அறிவு இருக்கும்போதுதான் இல்லை என்று நீக்க முடியும். உதாரணமாக பிளாஸ்டிக் மலரை நிஜம் என்று நினைக்கும் போது அது நிஜமில்லை என்று  சொல்வது போல இருக்கிறது.  தோன்றிக் கொண்டிருக்கும் இந்த உலகம் உண்மையிலே வெறும் தோற்றமே உண்மையான தோற்றம் கிடையாது. பிரம்மம் மட்டும்தான் இருக்கின்றது என்ற அறிவை அடைந்திட வேண்டும். நான் மட்டும்தான் இருக்கின்றேன் என்ற உணர்வை அடைந்திட வேண்டும். தூய்மையான மனதினால்தான் இந்த அறிவை அடைந்திட முடியும்.
 
சில உபநிஷத்தில் மனதினால் ஞானத்தை அடைந்திட முடியாது என்று கூறப்பட்டிருக்கின்றது.  ஆனால் இங்கோ தூய்மையான மனதினால்தான் அடைய முடியும் என்று கூறப்படுகின்றது.  இந்த முரண்பாட்டை விசாரம் செய்து நீக்க வேண்டும். ஆத்ம ஞானத்திற்கு மனம் தேவையா இல்லையா என்ற கேள்விக்கு இப்பொழுது விடை காண்போம்.
 
சாதாரண அறிவு எப்படி ஏற்படுகின்றது என்றால் மனமானது கண் பார்க்கும் பொருளின் வடிவமாக மாறுகின்றது இதற்கு விருத்தி (எண்ணம்) என்று பெயர். எண்ணம் பார்க்கும் பொருளை  முழுவதுமாக வியாபித்தல் என்பதற்கு விருத்தி வியாப்தி என்று பெயர்.  நம்முடைய மனதில் உள்ள எண்ணங்களும் வெறும் ஜடம். சைதன்யத்தின் பிரதிபிம்பத்தால் (சிதாபாசம்) விருத்தியை வியாபிக்கும்போது நமக்கு அந்த விருத்தி வியாபித்த பொருளை பற்றிய அறிவு ஏற்படுகின்றது. இதற்கு பல-வியாப்தி என்று பெயர்.  விருத்தி வியாப்தியும், பல வியாப்தியும் சேர்ந்து நடைபெறுவதால்தான் நமக்கு அறிவு வருகின்றது.
 
ஆத்மாவை அறியும் விஷயத்தில் பல-வியாப்தி தேவையில்லை வெறும் வியாப்தி மட்டும் இருந்தால் போதும். உதாரணமாக இருட்டான அறையில் உள்ள புத்தகத்தை எடுப்பதற்கு கதவை திறக்க வேண்டும், பிறகு வெளிச்சத்தை கொண்டு வர வேண்டும்.  அப்போதுதான் புத்தகத்தை எடுக்க முடியும். ஆனால் எரிந்து கொண்டு இருக்கும் மெழுகு வர்த்தியை எடுப்பதற்கு கதவை திறந்தால் மட்டும் போதும், வெளிச்சம் தேவையில்லை, ஏனென்றால் அந்த மெழுகுவர்த்தியே வெளிச்சத்தை தந்து கொண்டிருக்கின்றது.  அதுபோல ஆத்ம விஷயத்தில் சிதாபாசத்தினுடைய பல வியாப்தி தேவையில்லை.
 
ஆகவே மனம் தேவையில்லை என்று சொல்லும் போது பல வியாப்தி தேவையில்லை என்றும், மனம் தேவை என்று சொல்லும்போது விருத்தி வியாப்தி தேவையென்றும் புரிந்து கொள்ள வேண்டும்.
 
மந்திர விளக்கம்:-
யார் இங்கு ஈஸ்வரனுக்கும், உலகத்திற்குகிடையே வேறுபாட்டை பார்க்கின்றார்களோ அவர்கள் மரணத்திலிருந்து மரணத்தை அடைகின்றார்கள். இது நம்மை துயரத்தில் ஆழ்த்தி கொண்டிருக்கும்.  இங்கு மரணம் என்பதற்கு காம, க்ரோதம், போன்றவற்றிலிருந்து அடைகின்ற துன்பத்தை குறிக்கின்றது என்றும் எடுத்துக் கொள்ளலாம்.
 

ஸ்லோகம்-12
அங்கு3ஷ்டமாத்ர: புருஷோ மத்4ய ஆத்மனி தி2ஷ்டதி |
ஈஶானோ பூ4தப4வ்யஸ்ய ந ததோ விஜுகு3ப்ஸதே ஏதத்3வை தத்3 ||
இதயத்திற்குள் இருக்கும் ஆகாசத்தைத்தான் கட்டைவிரல் அளவுள்ள ஆத்மா என்று இங்கு குறிப்பிடப்படுகிறது.  இதயமே மனதின் இருப்பிடம், இதயத்திற்குள் இருக்கும் ஆகாசத்தில்தான் அந்தக்கரணம் இருக்கின்றது.  இந்த ஆகாசம் நமது கட்டைவிரலில் அளவு உள்ளது.  இப்படிபட்ட மனதை உபாதியாகவும், அதற்கு ஆதாரமாகவும் இருப்பதுதான்.ஆத்மா.
 
இந்த உடலின் மையப்பகுதியான இதயத்திற்குள் ஆத்மா இருக்கின்றது.  இந்த ஆத்மாவே எல்லா காலத்திலும் இருக்கின்ற ஈஸ்வரனாகவும் இருக்கின்றது. இந்த ஐக்கிய ஞானத்தை புரிந்து கொண்டபிறகு எதற்கும் கவலைப்பட தேவையில்லை, பாதுகாப்பை தேடிக் கொள்ள தேவையில்லை, எந்த ஜீவராசிகளையும் வெறுக்க மாட்டோம்.
 

ஸ்லோகம்-13
அங்கு3ஷ்டமாத்ர: புருஷோ ஜ்யோதிரிவாதூ4மக: |
ஈஶானோ பூ4தப4வ்யஸ்ய ஸ இவாத்3ய ஸ உ ஶ்வ: ஏதத்3வை தத்3 ||
கட்டைவிரல் அளவுள்ள ஆத்மாவானது ஒளியைப் போல இருக்கின்றது. இருளில் மறைந்துள்ள பொருட்களை அறிய உதவுவது போல உபநிஷத் அறியாமையை நீக்கி ஞானத்தை கொடுக்கின்றது. இந்த ஆத்மாவினால்தான் அனைத்துமே அறியப்படுகின்றது. நான் என்னை எதனுடைய உதவியில்லாமலே அறிகின்றேன். புகை நெருப்பை மறைக்கலாம், ஆனால் அறியாமை இந்த ஆத்மாவை மறைக்க முடியாது.  ஆத்மா அறியாமையையும், அறிவையும் பிரகாசிக்கின்றது  எல்லா காலத்திற்கும் அதிபதியாக இருக்கின்ற ஈஸ்வரனே இப்பொழுதும் இருக்கின்றார், நாளையும் இருப்பார். என்றும் இருப்பதும், எல்லாகாலத்திலும் இருப்பதுமான இந்த ஆத்மாதான் அந்த பிரம்மமேயாகும்.
 
ஸ்லோகம்-13
யதோ2த3கம் து3ர்கே3 வ்ருஷ்டம் பர்வதேஷு விதா4வதி |
ஏவம் த4ர்மான்ப்ருத3க் பஶ்யம்ஸ்தானேவானுவிதா4வதி ||
இருமைதான் நம்மை சம்சாரத்தில் வைத்திருக்கின்றது.  மழை மலை உச்சியில் பொழியும் போது நீரானது மலைகளிலிருந்து கீழே ஓடி வந்து மறைந்து விடுகின்றது. அதுபோல ஜீவர்களை வேறுபாட்டுடன் யார் பார்க்கின்றார்களோ அவர்கள் அந்த தவறான அறிவினால் சம்சாரத்தில் வீழ்ந்து துன்பமடைகின்றார்கள்.  உடல், மனம் என்று யார் ஜீவர்களை பார்க்கின்றார்களோ அவர்கள் மீண்டும் மீண்டும் பிறக்கின்றார்கள்.  ஈஸ்வர புத்தியோடு இந்த உலகத்தை பார்த்தால் அது நமக்கு இன்பத்தை கொடுக்கும்.
 
ஸ்லோகம்-14
யதோ2த3கம் ஶுத்3தே4 ஶுத3த4மாஸிக்தம் தாத்3ருகே3வ ப4வதி |
ஏவம் முனேர்விஜானத ஆத்மா ப4வதி கௌ3தம ||

எவ்வாறு தூய்மையான நீரானது தூய்மையான நீரில் கலந்தால் வேற்றுமையின்றி இருக்கின்றதோ அதுபோல  இந்த தத்துவத்தை அறிகின்ற முனிவனுக்கு ( சிரவணம், மனனம் இவைகளை தாண்டி நிதித்யாஸனத்தில் இருப்பவன்) ஆத்மாவாக எல்லாமும் இருக்கின்றது. தூய்மையான நீரோடு தூய்மையான நீரை சேர்க்கும்போது இரண்டும் ஒன்று சேர்ந்து விடுவது போல ஆத்மாவை அறிந்தவன் ஆத்மாகவே இருப்பதை உணர்கின்றான், அந்த பிரம்மமாகவே மாறி விடுகின்றான்.

 

இரண்டாவது அத்தியாயம் – முதலாவது வல்லி முடிவுற்றது.